Mwanaume akikuacha kakuacha huwezi kumuumiza kwa kutembea na ndugu au Rafiki yake
CREDIT : IDD MAKENGO
Tatizo la wanawake ni kuwa anaweza kutembea na rafiki yako, ndugu yako au mtu mwingine ambaye anadhani kuwa anakuzidi kila kitu ili tu kukukomoa, ili kukuonesha kuwa anaweza kupata mtu mwingine na kujaribu kukuumiza. Labda niwaambie tu kitu dada zangu, unajitumikisha tu bure, akili za wanaume hazifanyi kazi hivyo, kama mwanaume kakuacha basi jua kakuacha, na ingawa anaweza kusikia wivu kidogo lakini wala hawezi kuumia kwakuwa umetembea na rafiki yake.
Iko hivi mwanaume akishatembea na wewe ujue kuwa kashamaliza mchezo, kwamba ingemuuma kama ungemkataa yeye halafu ukaenda kumkubali jamaa mwingine rafiki yake, hiyo kweli inauma. Lakini mtu nishatembea na wewe, nimekuchoka na nimekuacha eti unaenda kutembea na Kaka yangu ili kuniumiza, unajidanganya na kama kwenye akili zenu dada zangu mnajiambia kuwa nimemuumiza au nimemkomoa basi unajidanganya. Tena kama ni rafiki yake mara nyingi wanaume tunaulizana kabisa.
Kama ni ule urafiki wa karibu utasikia “Kile kichwa chako vipi ushakiacha maana naona kinajileta!” Basi jamaa anamuambia yule gonga tu hana ishu! Sasa kama unadhani unamkomoa hapana, sana sana unamhalalishia kuwa afadhali alikuacha kwani hueleweki! Sikuambii usitoe huduma kwa rafiki zake wewe toa tu mwili ni wako wala hulipii kodi lakini kama lengo ni kumuumiza basi unajidanganya, anaumia kama alikuwa anakupenda lakini kama kakuacha yeye halafu ukaenda kujitoa sadaka unachosha tu viungo vyako vya uzazi na si kumuumiza yeye!
